مين اللى قال: إنّ الوطن أجمل مكان

مين اللى قال: "إنّ الوطن أجمل مكان"
"وأجمل ما فيه بيتك .. و لو جحر لْفيران؟"
خجلان أقول: "فينو الوطن؟ و البيت دا فين؟"
أمَّا الفيران، يا صاحبى .. فلتحيا الفيران!
عجبى
!!

الموت ده عيِّل أوى

الموت ده عيِّل أوى . . . بس أحنا مش عارفين
لمَّا خطر لى اندهه . . . قال لى أجرى مش لاعبين
و من ورايا استخبى . . . قال لى: "حذّر فين؟"
أتاريه خطف لعبتى . . . و أصحابى . . . و الغاليين!
عجبى
!!

لمَّا اجى اموت

لمَّا اجى اموت .. هكتب على الشاهد حروف اسمى .. و "طظ"
إنسان .. و شاعر .. وسط عالم عاتى .. فظ
عالِم .. لكين .. حضراتكو أعلم مرتين
و الدنيا إيه .. غير فهلوة .. و تنطيط .. و حظ !
عجبى
!!